Замислете ја само комбинацијата од кокос и сочните црвени јагоди – тоа е вистинско уживање!
Состојки:
- 5 белки
- 5 лажици шеќер
- 2 лажици брашно
- 1 прашок за печиво
- 100 грама кокос
- 200 мл студено млеко за прелевање на кората
Фил 1:
- 500 грама јагоди
- 200 грама шеќер
- 2 пудинга од јагода
Фил 2:
- 5 жолчки и 7 лажици шеќер
- 5 лажици гистин
- 500 мл млеко и 200 грама путер
- 100 грама шеќер во прав
За декорација:
- 200 грама шлаг изматен со 300 мл кисела вода
Подготовка:
Изметете ги белките во цврст снег, додадете шеќер и уште миксирајте. Потоа вмешајте го брашното со прашокот за печиво и кокосот и се убаво соединете. Добиената смеса ставете ја на хартија за печење во плех и печете на загреана рерна на 180 степени Целзиусови околу 20 минути.
Печената кора веднаш се прелева со студено млеко и оставате да се олади.
Фил 1:
Јагодите ги ситните со блендер, додавате шеќер и ги варите. Посебно го растворате прашокот за пудинг во вода и го додавате во зовриената маса. Мешате додека не се згузне, а потоа го тргате од оган.
Фил 2:
Жолчките ги матите со шеќер, густин и 100 мл млеко па ги варите во останатото провриено млеко. Пенасто се миксира путерот со шеќер во прав и се составува со оладениот крем од жолчки и млеко.
Шлагот се мати со кисела вода. На кората се нанесува првиот фил, се израмнува, па премачкувате со вториот фил, а декорирате со изматениот шлаг.