Google WiFi: Рутер кој ја драстично ја подобрува и поедноставува домашната мрежа

27 јануари, 2017
15

Компанијата Google претстави нов домашен уред кој треба да обезбеди лесно одржување на покриеност со безжичен интернет за целиот дом.

Станува збор за рутер, Google WiFi – кој има неколку важни предности во однос на претходната серија OnHub.

Освен дека е доста помал, најголемиот адут на новиот рутер е неговата способност да создава комбинирана мрежа, на која се додаваат голем број рутери кои ја зголемуваат нејзината покриеност.

Системот може да покрие една голема куќа и се управува целосно со мобилна апликација наречена Network Assistant што го прави вклучувањето на нови уреди и подобрувањето на сигналот сосема едноставно.

Покрај тоа, апликацијата ви овозможува да го контролирате интернетот кон сите уреди приклучени на него.

Апликацијата овозможува да управувате со сите поврзани уреди, да активирате и стопирате врски и слично. Google WiFi излегува на пазарот од декември по цена од 129 долари.