Потребни состојки:
- 500г мелено говедско месо
- 1 кромид
- 130г. спанаќ
- сол и бибер
- 1 лажичка оригано
- 1 пакување канелони
- 200г. рендан кашкавал
- доматен сос
Подготовка:
Во благо загреана тава ставете масло и испржете го сецканиот кромид. Додајте мелено месо и пржете додека не биде готово. Зачинете со сол, бибер, оригано и други зачини по желба и додајте го спанаќот. Промешајте. Додадете една шолја доматен сос.
Наполнете ги канелоните со приготвената смеса. Во една тава ставете од доматниот сос и врз него наредете ги канелоните. Повторно прелијте ги со доматен сос, нарендајте кашкавал и ставете ја тавата во рерна загреана на 200 степени да се пече околу 40 минути.
