Колку побрзо одите, толку подолго ќе живеете

Брзината на одењето може да е поврзана со долговечноста кај лицата постари од 65 години, покажала една анализа на неколку истражувања во списанието на американското медицинско здружение (JAMA). Бројот на години кои ќе ги доживеат мажите и жените се зголемува во зависност од брзината на нивното одење. Истражувањето се однесува на податоци добиени меѓу 1985 и 2000 година. Просечната брзина на одењето на 34.485 учесници била 0,92 метри во секунда, а просечен животен возраст од 73,5 години. Постојат неколку причини кои објаснуваат зошто брзината на одењето е добар показател за должината на животот на постарите луѓе, велат истражувачите. За одење потребна е енергија, контрола на движење и ја подобрува работата на неколку органи како срцето, белите дробови, нервниот и циркулаторниот мускулно-скелетни системи.