Турски рецепт за ќофтиња

Состојки:

• 750 гр мелено месо
• 2 главици кромид
• 2 кришки леб без кора
• 1 јајце
• магдонос по потреба
• 1 лажичка ким
• 2 лажички сол
• путер за пржење.

Подготовка:

1. Најпрво натопете го лебот во водата. Исцедете го и претворете го во ситни трошки.
2. Така припремениот леб ставете го во поголем сад и додајте ги сите останати состојки.
3. Откако убаво ќе ја измесите смесата, со раце оформете топчиња со посакувана големина.
4. Во тава на оган загрејте ја маснотијата и убаво пропржете ги ќофтињата, додека добијат пријатна кафеава боја.
5. Послужете ги со прилог по желба, а најдобро со свежа салата. На здравје!