Крцкавоста на киноата и преливот од рен никој нема да го остави рамнодушен. Може да се послужат како предјадење или главно јадење.
Состојки
киноа 1 чаша (200) гр
зеленчукова супа 2 исти чаши
замрзнат зеленчук (златна мешавина) 250 гр
jajце 1 помало
меко брашно 150 до 200 гр
сол 1 лажичка
мелен бибер 1/2 лажичка
масло за пржење по потреба
прелив со рен 100 мл
дресинг за цезар салата по желба и вкус
Подготовка
Во тенџере ставете 3 чаши вода, додадете рамна лажичка сол и кога водата ќе зоврие, додадете го замрзнатиот зеленчук. Варете во полупоклопен сад додека зеленчукот не омекне, а потоа процадете го, а водата сочувајте ја.
Киноата ставете ја во тенџере, 2 чаши вода од течноста во која е варен зеленчукот, рамна лажичка сол и оставете го да зоврие. Потоа намалете ја температурата и оставете ја киноата да се вари 15 минути, со полупокриен капак. Потоа тргнете го тенџерето од шпоретот, покријте го и оставете малку да се излади. Изладена по потреба процадете ја.
Изматете го јајцето, додадете го исцадениот зеленчук и киноа, бибер и, со постепено додавање на брашно, измешајте ја смесата за плескавици. Со лажица вадете од смесата, со валкање во брашно рачно формирајте плескавица и малку засечете ја со нож.
Загрејте го маслото, а потоа со голема лопатка земете ги плескавиците и ставете ги да се пржат на двете страни до да не поруменат. Вадете ги на кујнската хартија за да го впие вишокот на маснотии.
Послужете ги со прелив од рен и по желба, со уште малку цезар прелив.