Ова е најстуденото село во светот: Просечната температура во Јануари е минус 50

Добредојдовте во Ојмјакон, најстуденото село на земјата каде што просечната температура во јануари е -50 °C и трепките на жителите се замрзнуваат за само неколку секунди откако ќе излезат од дома. Оддалеченото сибирско село Ојмјакон е најстудената населена населба во светот. Било толку студено во руското село што новиот електронски термометар се расипал откако измерил минус 62 °C.

Официјалната метеоролошка станица забележала минус 59 °C, но локалните жители изјавиле дека нивните мерења се толку ниски, дури до минус 67 °C, односно помалку 1 ° од најниската температура за постојана населба било каде во светот. И тоа рекордно снимање е направено во истото место уште во 1933 година.

Еден селанец во Ојмјакон забележал температура од минус 67 степени, додека други се согласиле дека официјалното читање на минус 59 °C не ја кажува целосната приказна. Дигиталниот термометар бил инсталиран минатата година за да му помогне на Ојмјакон да се „рекламира“ кај туристите, но откажал откако успеал да измери минус 62 °C. „Се скрши, бидејќи беше премногу студено.“, објавиле од The Siberian Times.

Селото е дом на околу 500 „отпорни“ луѓе, а во 1920-тите и 1930-тите било станица за сточари кои одгледувале ирваси и ги воделе своите стада до термалниот извор. На овој начин градот го добил своето име кое се преведува како „вода што не замрзнува“.

Советската влада подоцна ја направила локацијата постојана населба за време на обид да ја принуди својата номадска популација да ги пушти корените. Во 1933 година, температурата од минус 67,7 °C е забележана во Ојмјакон, прифатена како најниска досега во северната хемисфера. Пониски температури се регистрираат на Антарктикот, но овде нема постојано населени населби.

Дневните проблеми кои доаѓаат со животот во оваа село вклучуваат замрзнување на мастилото во пенкалото, замрзнување на очилата на лицата на луѓето или пак откажување на батериите. Се вели дека локалните жители ги оставаат своите автомобили да работат цел ден затоа што се плашат дека нема да можат да запалат повторно.

Ледената земја исто така го отежнува погребувањето. Земјата првин се одмрзнува со оган неколку дена, се додека мразот не се стопи доволно за да може да се ископа дупка за ковчег.