Ги отстрани ушите, го раздели јазикот, ги истетовира очите … Овој човек прави сè за да изгледа како вонземјанин

23 септември, 2020
очи

Ентони Лофредо од Франција целосно го трансформира својот изглед, сето тоа во желба да изгледа како вонземјанин. Тој го покри целото тело и лице со тетоважи и пирсинг, и беше подложен на некои екстремни естетски зафати, пренесува Daily Star.

32-годишникот отишол под ножот за да го отстрани носот, па сега има само две дупки, односно ноздри на средината на лицето. Она што е интересно е законот во Франција со кој се забранува оваа постапка, но Ентони успеа – тој патуваше во Барселона со хирургот Оскар Маркез.

Самопрогласениот вонземјанин, воодушевен од резултатите, сподели сè на својот Инстаграм профил. “Благодарение на д-р Оскар Маркез, ти го одбележа мојот живот со ова. Сега конечно можам да одам со крената глава. Горд сум на целиот овој проект што го направивме заедно”, напиша тој.

Ова е само една од операциите што ги направи Ентони. Тој претходно ги отстранил ушите, го разделил јазикот, вметнал влошки во лицето и челото и направил корекција на вилицата. Покрај тоа, тој ги истетовирал своите очи, поточно белците – иако се знае колку е опасно ова затоа што некое лице може да ослепе.

Многумина го прашуваат дали некогаш се покајал за целата трансформација, а тој тврди дека не. Тој вели дека како дете бил фасциниран од трансформација на тело и лице. Работел како чувар на 24-годишна возраст и во еден момент сфатил дека воопшто не го живее животот каков што посакувал. Ги спакуваше куферите и се пресели во Австралија. Потоа започна да прави промени во себе и, како што тврди, стана посреќен.

Тој сè уште не ја завршил целата трансформација и постојано прави планови за промена на нешто ново.