Ќе твитаме со ГЛАСОВНИ ПОРАКИ? Зошто да не!

Компанијата започна да ја тестира новата опција на социјалната мрежа Твитер во средата, а во моментов е достапна само за одреден број корисници на платформата Apple iOS.

Тест-фазата на праќање твитови со говорни пораки е достапна само за мал број корисници, но за неколку недели може да се најде во опциите на многу поголем број корисници, а информациите беа потврдени од Твитер.

Имено, Твитер во средата објави дека тестира нова услуга што ќе им овозможи на корисниците да твитаат преку гласот, така што еден аудио твит ќе може да трае и до 140 секунди.

Услугата во моментов ќе биде достапна за ограничен број корисници на платформата Apple iOS, а во наредните недели ќе биде проширена на уште повеќе корисници на оваа платформа.

Корисниците на Твитер ќе можат да создадат гласовен твит со кликнување на само една икона, која ќе се наоѓа на дното на просторот за пишување на твитот.