Кој е Вашиот омилен број? Сигурно не сте го избрале случајно, а еве што вели тој за вас

Нумерологијата верува дека омилениот број може да го „опише“ вашиот карактер

Нумерологијата верува дека постои мистична врска помеѓу броевите и одредени настани во историјата. Платон го нарекол проучувањето на симболиката на броевите „највисоко ниво на знаење“ и ја користел оваа практика во својата работа. Низ историјата, значењето на броевите играло важна улога во животот на луѓето.

Броевите се користат во суеверие, религии и митологии низ целиот Свет. Кога ги проучуваме овие обрасци, откриени се многу специфики.

Веројатно не случајно го одбравте омилениот број. Ако вашиот омилен број е двоцифрен, прочитајте го описот за обете цифри.

Број 1

Бројот еден е синоним за „најдобар“ во повеќето култури. Овој број симболизира самодоверба, а повеќе од веројатно сте силен лидер со големи амбиции. Понекогаш може да бидете себични и да барате повеќе. Бројот еден е осамен или некој што нема да ја следи толпата. Симболизира креативен дух и индивидуалност.

Број 2

Луѓето кои го претпочитаат бројот два се интуитивни и емотивни. Овие луѓе исто така можат да бидат многу срамежливи и лесно да ги обзема негативност. Обично во сè забележувате и добро и зло, а расположението може да се промени во секунда.

Број 3

Луѓето кои го сакаат бројот три обично се големи авантуристи. Тие се многу енергични, духовити и дружељубиви. Ако го преферирате бројот три, веројатно имате силна визија за својата иднина и лесно наоѓате пријатели. Бројот три е важен во многу религии и култури.

Број 4

Ако вашиот избор е бројот четири, вие сте солидни и имате самодоверба. Вие сте многу храбри, искрени и мудри во давањето на вашата доверба на другите. Од друга страна, понекогаш може да бидете тврдоглави поради непоколебливи верувања. Бројот четири е симбол на стабилност и ред.

Број 5

Пет е бројот на лице кое е секогаш во движење. Ако ова е вашиот омилен број од секојдневниот живот, лесно може да ви здосади. Дури и кога немате што да правите, ќе најдете нова авантура. Може да бидете многу љубопитни и енергични, но понекогаш и малку драматични.

Број 6

Луѓето чиј омилен број е шест се претежно љубезни, грижливи и трпеливи. Тие имаат многу идеи што сакаат да ги споделат со Светот. Тие се склони кон осаменост и затоа љубовните врски не се нивна силна страна. Целосно уживаат во авантуристички активности и се храбри души.

Број 7

Оние што го избираат бројот седум се веројатно мудри и паметни. Поради нивната интелигенција, тие можат да бидат нетрпеливи и покритични кон другите. Исто така се многу лојални и верни луѓе. Многу култури веруваат дека бројот седум носи среќа.

Број 8

Луѓето на кои омилен број им е осум, имаат тенденција да станат успешни. Тие се прилично моќни и многу се трудат да го постигнат она што го сакаат. Многу се избалансирани луѓе и затоа пријателите секогаш имаат доверба во нив.

Број 9

Секој чиј омилен број е девет, се смета себеси за исполнет човек или се стреми кон тоа во животот. Тие ефикасно ги користат своите таленти и способности, што ги прави одлични лидери. Ако преферирате број девет, веројатно сакате да бидете главниот во секоја авантура.

Дали вашиот омилен број совршено ве „опиша“?