„КОВИД ПРСТИ“: Може да останат и до пет месеци по прележување на вирусот

Воспалението на прстите предизвикано од Ковид-19 може да се манифестира како црвена или виолетова кожа со отоци и плускавци слични на смрзнатини. Симптомите обично се развиваат во рок од една недела по заразувањето и поминуваат сами по себе за две недели. Меѓутоа, кај некои луѓе, проблеми со кожата се манифестации на продолжен симптом коеј може да трае со месеци по борбата против коронавирусот.

Регистарот бележи скоро 1.000 случаи на пациенти со кожни манифестации во 39 земји. Анализата на податоците покажува дека кај половина од пациентите од регистарот биле евидентирани „Ковид прсти“ , чии симптоми траеле во просек од 10 до 15 дена.

Сепак, кај шест пациенти симптомите на прстите траеле најмалку 60 дена, а кај двајца пациенти проблемот бил присутен повеќе од 130 дена. Еден истражувач предупреди дека некои страдаат и 150 дена подоцна, што е приближно пет месеци.

Се чини дека постои одредена подгрупа на пациенти кои, кога ќе добијат Ковид, развиваат воспаление на прстите што ги прави црвени и отечени, а на крајот и виолетови. Во повеќето случаи, тоа само се решава и исчезнува. Тоа е релативно благо и трае во просек 15 дена “, рече д-р Естер Фримен, главен истражувач во Меѓународниот дерматолошки регистар„ Ковид-19 “, додавајќи дека кај пациентите се гледа дека го имаат веќе еден месец или два.