Рецепт што ќе ги маѓепса вашите сетила …
Чизкејкот има огромен број на варијации и е омилено благо за многумина, а ние ви претставуваме домашна варијација на ова незаменливо благо кое се подготвува брзо и лесно, и ќе видите – подобро е од секое купување!
Потребни состојки за кора:
- мелени бисквити 300 грама
- маргатин (lajt) – половина кутија
- млеко 100 мл
Потребни состојки за филот:
- крем сирење неутрален0 300 грама
- една павлака
- слатка павлака 400 мл
- шеќер во прав 10 лажици
Потребни состојки за преливот:
- свежи праски 4 – 5 парчиња или еден компот од праски
- кристален шеќер 10 лажици
- ванилин шеќер
- еден желатин
Подготовка:
Во садот истурете ги мелените бисквити, додадете го маргаринот и млекото, а потоа полека измешајте ја смесата со рака додека не биде рамномерна. Потоа, распоредете ја смесата во калап за чизкеј и ставете ја во ладилникот додека го подготвувате филот.
Фил: Истурете го крем сирењето и павлаката во подлабок сад, додадете шеќер во прав и промешајте со лажица додека не исчезнат грутките од шеќерот во прав. Во втор сад, иматете ја особено добро изладената слатка павлака, така што ќе биде многу густа. Полека додајте ја слатката павлака во смесата од крем сирење и павлака и промешајте со шпатула додека смесата не се комбинира целосно. Истурете ја смесата во калапот, преку кората од бисквитите и вратете се во фрижидер.
Прелив: Ситно исецкајте ги праските (свежи или од компот) и ставете во поширока тава на дното. Ако користите праски од компот, истурете сируп над нив за да ги покриете праските, а ако користите свежи, истурете вода. Вклучете го шпоретот на тивок оган, истурете во сад шеќер и ванилин шеќер и варете 10-15 минути на тивок оган. За ова време, ставете го желатинот во мал сад и додадете 4 лажици вода, а потоа промешајте го неколку минути, мешајќи постојано, на тивок оган. Кога овошјето ќе заврши, извадете го од оган и оставете да се излади, а потоа додадете врел желатин, измешајте добро и истурете го овошниот прелив преку филот. Оставете го во фрижидер најмалку 5 часа да се стегне, а најдобро е да го оставите да се стврдне во текот на ноќта.
Забелешка: За преливот, наместо праски, можете да користите други овошја, како јагоди, малини, боровинки или мешавина од диви плодови.
Наздравје!