Кога се во прашање стравот и емоциите, мажите и тоа како ги имаат, но се срамат да зборуваат за нив, бидејќи општеството така ги научило.
- Физички изглед – Често се вели дека жените се тие коишто се опседнати со физичкиот изглед и коишто внимаваат на секој детал, но и на мажите исто така им е важно да изгледаат добро. Токму поради тоа често посетуваат теретани и фитнес центри.
- Финансии – Со оглед на тоа дека во општеството важи правилото дека мажот треба да биде столбот на семејството, секој одговрен човек би требало да се грижи за финансијската состојба, па дури и ако нема семејство. Но, исто така треба да знаат дека грижата, љубовта и вниманието играат поголема улога.
- Висина – Уште една од предрасудите коишто ги наметнува околината е висината. Иако денес на повеќето жени не им е потребен херој којшто ќе ги брани од злите духови, околината смета дека мажот треба да биде повисок од својата партнерка.
- Опаѓање на косата и седи влакна – Опаѓањето на косата е еден од најголемите стравови на мажите. Многу мажи имаат проблеми со косата и стравуваат дека ќе останат премногу рано без неа.
- Недостаток на искуство во врските – Често се прикажуваат како “мачо” фигури, па токму поради тоа се плашат дека ќе згрешат во врска со жените, поготово ако немаат искуство. Несигурност, страв од говорење или правењето на погрешни работи, ќе го мачи секој маж кој ќе се најде во друштво на жената којашто му се допаѓа.
