Состојки за бисквитот:
- 6 белки од јајца,
- 30 гр шеќер,
- 225 гр мелени бадеми,
- 225 гр шеќер во прав,
- 6 јајца,
- 70 гр брашно,
- 45 гр путер.
Состојки за сирупот:
- 1,25 дл вода,
- 80 гр шеќер,
- 1 лажица инстант кафе.
Состојки за кремот:
- 2 лажици инстант кафе,
- 2 лажици врела вода,
- 100 гр шеќер,
- 60 мл вода,
- јајце,
- жолчки од јајца,
- 200 гр путер.
Состојки за ганашот:
- 250 гр црно чоколадо,
- 1,25 дл цело млеко,
- 60 мл павлака,
- 60 гр путер.
Состојки за глазурата:
- 150 гр чоколадо за готвење,
- 115 гр путер.
Подготовка:
Загрејте ја рерната за бисквитот на 220 степени. Покријте два преха за печење (30×40 см) со хартија за печење.
Во сад полека направете снег од белките (изматете ги), а потоа додадете шеќер и матете додека не се зацврсти. Во друг сад изматете ги бадемите, шеќерот во прав и јајцата околу 3 минути на средна брзина за да формираат пенеста смеса. Додадете го брашното и матете со мала брзина додека не се измеша во смесата.
Потоа нежно измешајте ги белките од јајцата со шпатула, а потоа и стопениот путер. Поделете ја смесата на два дела и израмнете ја површината. Печете 5-7 минути – бисквитот треба да биде светло кафеав. Извадете го од рерната, покријте со парче хартија за печење и свртете го внимателно и извадете ја хартијата за печење. Превртете ја хартијата и покријте го бисквитот со чистата страна. Оставете да се излади на собна температура.
За сирупот измешајте ги сите состојки во тавата и оставете ги да зовријат. Оставете да се излади.
За кремот, стопете го инстант кафето во врела вода. Варете го шеќерот и водата и промешајте додека не се стопи шеќерот. Потоа продолжете да готвите без мешање додека не се зготви сирупот. Матете го јајцето и жолчките додека смесата не биде лесна и пенеста. Потоа, мешајќи со најмала брзина, додајте го полека сирупот. Потоа зголемете ја брзината на миксерот на средна брзина и промешајте уште 5 минути додека смесата не се згусне. Изматете го омекнатиот путер со шпатула и додајте 2 лажици во смесата, мешајќи со средна брзина. На крај, зголемете ја брзината и матете се додека кремот не згусне и не стане „свилен“. Додадете го кафето и ставете го 20 минути во фрижидер – додека кремот не се згусне за да можете да го филувате бисквитот. Притоа промешувајте го често.
За ганашот, скршете го чоколадото во сад. Зовријте ги млекото и павлаката, потоа истурете го чоколадото. Оставете го да постои некоја минута, а потоа промешајте добро додека не се стопи цело чоколадо и смесата е мазна и сјајна. Путерот матете го додека не биде кремаст, потоа измешајте го во ганашот на 2-3 пати. Оставете ја смесата во фрижидер околу 20 минути – додека не се стврдне за филување, но мешајте ја на секои 5 минути.
Исечете го бисквитот така што би добиле два дела од 25×25 см и два од 25×12,5 см. Поставете го поголемото парче на подлогата, прелијте со сируп и премачкајте со ¾ крем. Одозгора ставете две помали парчиња, прелијте со сируп и премачкајте со ганаш. Покријте го последното парче, навлажнете со сируп и премачкајте го преостанатиот крем. Изравнете и оставете го барем еден час, а максимум 6 часа за да се излади добро.
За глазурата во тава стопете го путерот додека не зоврие. Тргнете го од ринглата и извадете ја пената. Истурете чист течен путер во сад, а исфрлете го белиот остаток. Растопете го чоколадото на пареа, промешајте го во прочистениот путер и рамномерно истурете врз тортата. Ставете ја тортата повторно во фрижидер и кога ќе се излади, исечете ја по желба.
Совет: Бисквитот можете да го испечете претходниот ден и да го чувате на собна температура до припремата на тортата. Можете исто така и сирупот да го направите однапред бидејќи може да остане во фрижидер една недела. Кремот и ганашот можете да ги подготвите 3 дена порано и да ги оставите во фрижидер, но пред да почнете со припрема оставете ги некое време на собна температура.
Добар апетит!