Состојки:
700 гр мисиркино филе
Поголема главица кромид
400 гр шампињони
Чешне лук
Лажица пармезан
100 гр путер
200 гр спанаќ
Малку босилок
Сол, бибер
Подготовка:
Во поголема тава загрејте половина од путерот и испржете го исечканиот кромид. Кога ќе омекне додадете го лукот и мешајте уште 1-2 минути. Потоа ставете ги печурките исечкани на листови и динстајте со мешање додека печурките не омекнат и додека не испари вишокот течност.
Додадете го спанаќот, па тргнете од оган, ставете го и пармезанот и изладете.
Филето од мисирка исечете го на четири шницли, па истолчете ги со толчник за месо. На секоја шницла ставете од смесата од печурки, па завиткајте ги и прицврстете ги со месарски конец.
Ставете ги шницлите во намачкан огноотпорен сад, прелијте ги со сотанатиот растопен путер и печете ги во рерна на 200 степени околу 35-40 минути.