Бил Гејтс прв пат искрен кога корона е во прашање :(

Основачот на „Мајкрософт“, Бил Гејтс, во својот авторски напис за „Вашингтон пост“ ги повика американските власти да затворат сè за најмалку 10 недели за да ја добијат битката против корона вирусот.

Ви ги пренесуваме најважните делови од тој текст.

„Нема сомнение дека Соединетите држави ја пропуштија можноста да бидат во првите редови во борбата против коронавирусот. Но, сè уште има простор за важни одлуки. Изборите што ги правиме и нашите водачи денес ќе имаат огромно влијание врз тоа колку брзо заболените случаи ќе започнат да опаѓаат, колку долго економијата ќе остане затворена и колку Американци ќе треба да погребаат некој близок заради СОВИД-19.

Преку работа со Фондацијата, разговарав со експерти и лидери во Вашингтон и низ целата земја.

Ми стана јасно дека треба да преземеме три чекори.

Прво, ни треба конзистентен национален пристап за затворање на сè. И покрај повиците на експертите за јавно здравје, некои држави и области не затворија сè. Во некои земји, плажите сè уште се отворени; во други, рестораните сè уште работат за оние што сакаат да седат и да јадат.

Ова е рецепт за катастрофа. Затоа што ако луѓето се слободни да патуваат преку националните граници, така може и вирусот. Државните службеници треба да бидат јасни: Затворање на кое било место значи затворање насекаде.

Додека бројот на страдалници не започне да опаѓа низ Америка – што би можело да биде за само 10 недели или повеќе – никој не може да продолжи со работа како и обично или да ги занемари работните запирања. Секоја забуна околу оваа точка само ќе ја продолжи економската болка, ќе ги зголеми шансите за враќање на вирусот и ќе предизвика уште повеќе смртни случаи.

Второ, федералната влада треба да ги засили тестирањата. Треба да бидат достапни многу повеќе тестови. Исто така, треба да ги консолидираме резултатите за да можеме брзо да ги идентификуваме потенцијалните волонтери за клинички испитувања и да знаеме кога е време да се вратиме во нормала. Исто така, има добри примери – државата Nујорк неодамна го прошири својот капацитет на повеќе од 20.000 тестови на ден. Конечно, за да се стави крај на болеста, потребна ни е сигурна и ефикасна вакцина. Ако сториме сé што е правилно, би можеле да ја имаме за помалку од 18 месеци, што би била најбрзата вакцина некогаш развиена “, рече Гејтс, меѓу другото.