Мисица со IQ 146 ја соблекува круната и се враќа на лекарската работа
Бидејќи ситуацијата во Велика Британија се влошува, таа добила се повеќе пораки од поранешни колеги во болницата каде што работела. Ова ја натерало да контактира со раководството на болницата и да им рече дека сака да се врати на работа.
Кој вели дека убавината и интелигенцијата не одат заедно? Баша Мукерје (24) има коефициент на интелигенција 146 и во 2019 година стана Мис Англија. Сепак, поради новата ситуација околу пандемијата, таа се врати во матичната земја за да продолжи со медицинска кариера, пренесува Си-Ен-Ен.
Тие била поканета да посети како амбасадор неколку земји каде требало да остане до август годинава бавејќи се со добротворна работа.
„Тие ме поканија во Африка, Турција, Индија, Пакистан и неколку други азиски земји да се посветам на добротворни работи за разни цели“, рече таа за Си-Ен-Ен.
Кога започна пандемијата, Баша била во Индија. Бидејќи ситуацијата во Велика Британија се влошила, таа добила се повеќе пораки од поранешни колеги во болницата каде што работела. Тие и се пожалиле за тешката состојба. Овие пораки, вели Баша, ја поттикнале да контактира со раководството на болницата и да им каже дека сака да се врати на работа.
Таа смета дека не е во ред да се носи круна, дури и ако тоа е за добротворни цели, додека луѓето ширум светот умираат од корона вирусот, додека нејзините колеги неуморно се борат.
„Додека сте вклучени во хуманитарна работа, сепак се очекува да облечете круна и да бидете убави. Сакав да си одам дома, сакав да се вратам на работа. Поради тоа ја заработив мојата диплома и кога е подобро време да го искористам тоа знаење отколку сега. Знаев дека можам да помогнам “, рече таа.
Баша се врати во Лондон оваа среда, а пред да се врати на работа како лекар, мора да помине две недели во самоизолација. Инаку, оваа привлечна девојка е специјализирана за респираторни заболувања.
„Никогаш немало подобро време за Мис Англија да и помогне на Англија низ овие тешки времиња“, заклучи Мис Англија.
