Во Италија се помалку заразени, но бројката на починати е многу висока

Бројот на смртни случаи од корона вирус во Италија се зголеми за 578, во однос на вчерашниот ден од 602, додека бројот на нови случаи е во опаѓање, 2.667, а вчера беше 2.972.
Бројот на нови случаи е најмал од 13 март, но бројот на починати е сè уште голем. Во изминатите 11 дена, бројот на жртвите беше помеѓу 525 и 636, освен во неделата, кога починаа 431 лица. Според Агенцијата за цивилна заштита, 21.645 луѓе починале во Италија од 21 февруари, кога бил пријавен првиот случај, највисок во светот по САД.

Бројот на пациенти се зголеми на 165.155.

Во единиците за интензивна нега има 3.079 лица. Од болеста се опоравиле 38.092 пациенти.