Градина од соништата: Магична оаза во вашиот двор без да вложите денар!
И вашата градина може да биде како од соништата со неколку добри идеи и по некој трик од минатиот век.
Градините се наши оази, наше бегство од реалноста, место каде се опуштаме, се одмораме од овој зафатен свет и ги опуштаме сите наши сетила. Затоа е многу важно како таа изгледа и да сте задоволни од тој изглед за да се чувствувате убаво во вашата приватна оаза. Било да е тоа огромна или само неколку квадрати, градината може да изгледа како најубавиот англиски двор без да потрошите ниту еден денар!
Сè што ви треба е неколку стари работи што сите ги имаме во аглите на куќата или фрлени во таванот или подрумот, некои добри идеи и малку фантазија.
Дворот може да изгледа поубав, поинтимен и потопол отколку кога би ангажирале архитект, со тоа што ќе му дадете ваш личен печат. И работењето на уредување ќе ви донесе дополнително задоволство.
Вашиот двор никогаш не треба повторно да изгледа монотоно, ако имате неколку стари садови , некакви лименки за наводнување, стар велосипед, гумени чизми во подрумот, затоа што токму тие можете да ги искористите како места за садење на вашите омилени растенија и да им дадете потполно нов и целосно автентичен изглед што ќе го направи вашиот двор уникатен и безвременски.