Полицијата на автопатот запрела петгодишник, кој возел теренец, брзал да си купи Ламборџини

6 мај, 2020
naslovna

Полициски службеник кој запре автомобил на државниот автопат во Јута во понеделникот беше изненаден кога откри дека петгодишник е на седиштето на возачот.

Забележувајќи возило што се движело многу бавно по левата лента на меѓудржавниот пат 15, полицаецот ја вклучил сирената, а возачот  дисциплинирано се престроил во лентата за застанување.

Разговорот помеѓу „возачот“ и полицискиот службеник е снимен на видеото од надзорната камера, објавено од полицијата на „Youtube“, е видено скоро 760.000 пати.


“Имаш пет години?” вели полицаецот. “Леле!” Потоа го прашал момчето каде научил да вози и ги запишал другите детали. Петгодишниот Адријан Замарипа одговори дека возел дома во автомобилот на родителите откако се расправал со неговата мајка. Тој му кажал на службеникот дека е лут што таа му рекла дека не сака да му купи Ламборџини.


„После расправијата, тој решил да влезе со својот автомобил и да се упати кон Калифорнија за да купи таму Ламборџини. Тој веројатно немаше да има пари за да купи бидејќи во неговиот паричник имаше само 3 долари“, објави полицијата на твитот, одбивајќи да одговори на понатамошни прашања во врска со лутото момче.

На детето сепак му се исполнила делумно желбата, бидејќи по објавата детето и неговата мајка беа провозени во Ламборџини од љубителот на спортски автомобили Џереми Невес.