Пејачката преку својот пример се обидува да им ги отвори очите на многу жени
Пејачката Тања Савиќ го сподели своето лично искуство на тема манипулација од бракот со Душан Јованчевиќ, кога доживеала голема непријатност.
– Она што најпрво би го споменала на темата мажи и манипулации е дека ние жените стануваме зависни од нивната, така да речеме, љубов, а всушност тоа не е љубов, туку лажичка љубов, која тие, за жал, ни ја даваат. Што може да ве спаси од таквата врска? Не можете да го смените партнерот, како што јас не можев да го сменам мојот. Тие никогаш нема да се променат, тие се такви луѓе, едноставно тоа е нивниот карактер и нема промена – вели Савиќ.
Таа испрати важен совет до сите жени.
– Она што можете да го направите е да се спасите. Или ќе трпите, ќе се разболите и ќе добиете некоја ментална болест, а подоцна некој рак, далеку било, но така оди. Или ќе бегате без разлика на се. Па, јас го избрав второто, иако оваа ситуација до некаде ме спаси. Короната ми донесе нешто добро, можеби никогаш не би го почувствувала мојот манипулатор, појма немам. Не трпете ни психичко, ни физичко насилство, психичкото насилство понекогаш знае да биде полошо од физичкото – вели Тања во емисијата „Магазин Ин“.