И Северина и Игор објавуваат на социјалните мрежи дека уживаат во друштво на пријателите по разводот
Откако во четвртокот официјално се разведе од поранешниот сопруг, 34-годишниот Игор Којиќ, сплитската пејачка Северина на Instagram објави дека се забавува со пријателите. Според нејзините објави, јасно е дека се дружи со пријателите и соработниците кај Задар. Станува збор за продуцентот Филип Милетиќ со кого работи на нов албум, фотографот и драмски режисер во Хрватскиот народен театар во Сплит Соња Дворник и соработничката Ведрана Васиќ.
„Околу мене илјада лудаци … (тројца како илјада)“, напиша 49-годишната пејачка во описот на фотографијата, која беше објавено со стих од нејзината песна „Тарапана“.
Да потсетиме, Игор и Северина беа во брак шест години, а повеќе од една година се зборува за тоа како розите повеќе не цветаат во нивната врска. Исто така, беше напишано дека пејачката не била во добри односи со семејството Којиќ и дека Северина наводно се расправала со свекорот и свекрвата додека била во карантин во нивниот дом во Белград.
Додека Северина ужива во друштвото на популарното одморалиште Пунта Скала кај Задар, Игор се фали дека поминува време со пријателите во клубови. Така, на приказна на Instagram, тој сподели неколку снимки од клуб во Мостар, каде што бил со пријател.
