3 астролошки двојки чија љубов е посилна од сите препреки: Никогаш не се откажуваат еден од друг

Покрај фактот дека овие хороскопски комбинации на почетокот изгледаат скоро невозможни, астролозите тврдат дека станува збор за врски кои се спротивставуваат на сите искушенија.

Постојат три астролошки многу невообичаени парови кои се во состојба да ги надминат сите потешкотии, да научат нешто ново од врската и да растат заедно до крајот на животот.

Девица и Водолија

Во оваа комбинација, Девицата е онаа на која Водолијата „и паѓа во очи“. Потоа започнува внимателното планирање на привлекување внимание, а духовитоста е „најдоброто оружје“.

Овој пар е малку невообичаен на почетокот, бидејќи припадниците на овие два знака имаат различни погледи на светот.

Од друга страна, емоциите и привлечноста меѓу нив можат да бидат толку силни што оваа разлика во ставовите и ликовите згаснува. Девицата и Водолијата можат да се заљубат длабоко еден во друг веднаш по состанокот.

Најголемата пречка во оваа врска е тоа дека Водолијата е бестрашна, а Девицата е склона да анализира и да процени колку е нешто ризично, според „три пати мери, еднаш сечи“.

Покрај тоа, Девицата понекогаш сака да „соли памет“ и да споделува совети што на Водолијата не и одговара.

Стрелец и Риби

Ова е уште една комбинација на нешто навидум некомпатибилно – но може да работи многу добро.

Луѓето родени во знакот на Стрелец се освојувачи кои отворено покажуваат наклонетост.

Рибите, пак, се повлечени и склони на ропство на многу правила и предрасуди, но истовремено се романтични и замислуваат да доживеат филмска љубов.

Тие честопати се задоволни што Стрелецот ќе им ги покаже емоциите и искреноста. Рибите во Стрелец можат да ја видат поддршката и некој со кого со задоволство ќе ја живејат својата бајка.

Стрелецот може да биде воодушевен од животните планови што ги имаат Рибите.

Разделбите на овие два знака можат да бидат многу бурни и емотивни.

Кога страстите конечно ќе се смират, тие ќе страдаат, но нема да комуницираат, бидејќи може да биде болно за двајцата.

Сепак, по некое време, иако врската се чинела премногу комплицирана и навидум невозможна, тие ќе сакаат да се вратат еден на друг.

Рибите, иако воздржани, едвај ќе го дочекаат ваквиот потег затоа што тие всушност никогаш не се откажале од Стрелецот.

Кога ќе се обединат, ќе им треба малку време да се договорат за тоа кон што се стремат заедно, а кога ќе сфатат, нивната врска ќе стане нераскинлива.

Лав и Вага

Ова е, пред сè, врска на добри пријатели, која трае дури и кога тие не се заедно.

Лавот по природа е театрален тип, освојувач кој верува дека никој не е во можност да му одолее на неговиот шарм. Тој е убеден во тоа сè додека не наиде на Вагата и не сфати дека треба да ја смени тактиката.

Потребно е многу време и трпеливост за да ја освои Вагата, па затоа ќе биде пријателски настроен и заштитнички за да ја освои.

Тој со време ќе го освои нејзиното срце, но мирната, рафинирана и дипломатска Вага секогаш ќе биде малку шокирана од неговата експлозивност.

Заради неговиот темперамент и наметнување, може да и дојде преку глава, а на Лавот ќе му пречи склоноста на Вагата да флертува и да ги сака сите околу неа.

Кога се караат, настанува хаос. Тогаш Вагата е таа што зборува, а Лавот слуша и не противречи.

Вагите може да побараат од Лавот да биде помалку посесивен и потолерантен, но тој повеќе сака да ги спакува работите и да си замине отколку да направи компромис.

Тоа е всушност неговиот начин да добие малку време и да размисли за сè.

Фазата на раздвојување може да трае долго време, и покрај фактот дека ќе си недостасуваат едни со други.

Во повеќето случаи, Лавот е тој што го прави првиот чекор кон помирувањето. Тогаш тој ветува дека ќе се промени, а Вагата ќе го прегрне со раширени раце, бидејќи таа сè уште го сака.

Нивната врска низ животот може да биде бурна, но цврста и длабока, што ја прави трајна.