Што е парализа во сон и како се јавува?

Парализа на спиење е неможноста на лицето да се движи или да пушти глас, иако е свесен за сè. Се проценува дека околу 40 проценти од светската популација ја доживува оваа состојба на еден или друг начин. Парализата на спиењето честопати може да биде придружена со разни халуцинации кои изгледаат толку реални што повеќето испитаници тврдат дека оваа состојба е најстрашната работа што ја доживеале во нивните животи.

За време на нормалниот сон, физичката и мозочната активност се намалуваат додека лицето заспива длабоко. Со влегување во РЕМ фазата, мозочната активност се зголемува, а телото станува малку парализирано со цел да се избегне каква било повреда, бидејќи соништата во РЕМ фазата се најсилни и најживописни.

Парализата вообичаено застанува пред лицето да се разбуди и да стане свесно, но понекогаш се случува да се разбудиме, а телото да спие. Така настанува парализа на спиењето. Во некои случаи, комбинацијата на мозочна будност и парализа на телото доведува до живописни халуцинации и чувство на страв, а оваа состојба обично трае помалку од една минута, иако се чини дека лицето кое го доживува трае многу подолго.

Парализа на спиењето може да биде предизвикана доколку спиете на грб, а најчести причини за оваа состојба се стресот, отстапувањето од вообичаениот ритам на спиење, прекумерната потрошувачка на алкохол и слично. Луѓето се обидуваат да излезат од парализа на различни начини: со концентрација на дишење, движење на прстите или едноставно затворање на очите додека не бидете во можност повторно да се движите, а оние кои се порелигиозни тврдат дека изговарањето молитви им помага да престанат со халуцинациите и да ги релаксираат мускулите.

Дали сте имале слично искуство?