Одлична вест: Може да согорувате калории додека гледате телевизија, но има една работа …
ШТО би помислиле ако ви кажеме дека всушност можете да бидете во форма додека го гледате омилениот филм или ТВ-емисија? Звучи нереално, но експертите за витамини и додатоци во исхраната тврдат дека тоа е можно.
Тие велат дека седењето додека гледате телевизија обично согорува помалку од 30 калории на час. За жал, тоа е помалку отколку калориите кои ги согорувате додека спиете. Меѓутоа, ако гледате нешто што го зголемува вашиот адреналин, може да потрошите повеќе калории.
Всушност, студиите покажуваат дека гледањето хорор или трилер од 90 минути согорува просечно 113 калории, приближно исто како и 30-минутната прошетка!
Но, тоа не е единствената таква активност што согорува калории.
Податоците исто така открија дека седењето пред екранот играјќи игри ќе согори и приближно 70 калории на час. Дури и половина час пишување додека работите од дома може да потроши помеѓу 41 и 61 калорија. Интересно е штои дремењето согорува енергија, при што просечно лице согорува приближно 68 до 91 калорија на час сон, пренесува Daily Star.