– Немаше атмосфера како Јелена да е ментор, а јас кандидат, сè делуваше семејно како Јелена да ми е мајка – рече Белма
Финалистката на неодамна завршената сезона на „Звездите на Гранд“, Белма Хусеинефендиќ, помина еден ден во вилата на Дедиње со нејзиниот ментор, Јелена Карлеуша, а нејзините впечатоци од куќата и семејството на пејачката се многу позитивни.
Белма е целосно воодушевена од куќата и семејството на Карлеуша.
– Се подготвивме ментално за финалето, потоа се занимававме со тоа што да облечеме, разговаравме за некои настани, но и за понатамошната кариера. Ги запознав и нејзините ќерки, сопругот Душко и ми е чест што можам да кажам дека бев во едно такво семејство што ме пречека со раширени раце – истакна Белма.
– Немаше атмосфера како Јелена да е ментор, а јас кандидат, сè делуваше семејно како Јелена да ми е мајка. Таа е прекрасна и грижлива жена, но и мајка и сопруга. Најмногу си играв со нејзиното куче Буки, кое беше премногу шармантно и и реков на Јелена дека веројатно ќе дојдам еден ден и ќе и го украдам кучето (смеење) – рече младата пејачка.
Освен пријатната атмосфера, Белма ја маѓепсал и луксузниот дом на пејачката, чиј сопруг купи вила на Дедиње од фудбалерот Драган Стојковиќ Пикси за повеќе од два милиони евра.
– Што се однесува до нејзината куќа, секако дека сè е фасцинантно, бидејќи сè е стилски украсено и изгледа убаво. Најмногу ми се допадна дневната соба – рече таа.
