Боксерот Вељко Ражнатовиќ, недалеку од Житораѓа во селото Стара Бозурна, купи огромна парцела, на која е изграден објект со повеќе од 5.000 метри квадратни. Според приказната на локалните жители, тој вложил околу 50.000 евра во овој бизнис.
– Оваа парцела сигурно ја платил 30.000 евра, тоа е голема фарма што не може секој да си ја дозволи. Внатре има многу свињи и прасиња, купи и коњ, а во сето тоа вложил барем уште 20.000 евра. Имаат луѓе кои доаѓаат и се грижат за сѐ. Не сум љубоморен, мило ми е што е тука, јас секако нема да имам пари да го купам. Подобро е да го купи, па да инвестира во него, отколку да пропадне – рече соседот.
Во центарот на Житораѓаима кафуле, во кое редовен гостин е Вељко.
– Тој остава навистина добар бакшиш. Го познавам долго време, кога бевме помлади. Се дружеше со мојот брат Даниел, кој сега работи за него во Тител. Вељко го ангажираше да се грижи за неговите кучиња и да биде задолжен за нив. Задоволен е, му обезбеди сместување и храна, а девојката му е често таму. На Вељко не му пречи кога девојката на брат ми останува таму да спие, а тоа ретко би го дозволил било кој газда. Секогаш е пријатен и насмеан, а драго ми е што Даниел има таков газда – рекла Марија, која работи во споменатото кафуле.