БЕШЕ ФАТАЛНА РУСОКОСА, А СЕГА НЕ МОЖЕ ДА ИЗЛЕЗЕ ОД ДОМА! Актерката отворено проговори за ПОРЕМЕТУВАЊЕТО со кое се бори со ГОДИНИ (ВИДЕО)

Една од најубавите актерки во Холивуд, Ким Бесинџер (68) проговори за агорафобијата, пореметување поради кое последниве години ретко се појавува во јавноста.

Сите забележаа дека Ким ретко излегува во јавност, но никој не знаеше дека актерката се бори со анксиозно растројство.

Ким гостуваше кај колешката Џејда Пинкет Смит, каде отворено признала дека се бори со ова пореметување.

Агорафобијата претставува 60 проценти од сите фобии откриени со клинички прегледи. Почеста е кај жените и започнува во адолесценцијата или раната зрелост. Пореметувањето често започнува со напади на паника, а други симптоми вклучуваат напнатост, вртоглавица, страв од губење на умот и депресија.

Поради ваквата состојба, актерката избегнувала отворени, јавни места кои предизвикуваат напади на паника кај неа.

– Морав повторно да научам да возам, со години не сакав да возам низ тунелите во Малибу. Сето тоа ме правеше нервозна, за се морав да се мачам да сфатам што да правам сега – рекла таа и додала:

– Не излегував од дома, не одев на вечери. Навистина е страшно кога човек кој живеел како мене не знае што се случува. Се изгасна се во мене – додала актерката.