Бритни Спирс незадоволна од документарците за себе: „Никогаш не сум се чувствувала помалтретирано во оваа земја“

Пејачката сега изјави дека сите филмови за неа биле од навредлив карактер

Американската поп пејачка Бритни Спирс го изрази своето незадоволство од снимањето документарни филмови за нејзиниот живот, посочувајќи дека тие документарни филмови се од навредлив карактер и дека немаат позитивно влијание врз одлуката на судот да го прекине старателството што го имал нејзиниот татко, објавија американските медиуми.

Од 2008 година, судот одлучи дека пејачката нема да има контрола врз нејзините финансии, како и при носењето одлуки за некои важни прашања во нејзиниот живот.

Старателството конечно беше прекинато во ноември минатата година, а јавноста шпекулираше дека документарните филмови кои беа објавени за Спирс влијаеле на одлуката на судот.

Пејачката сега изјави дека сите филмови за неа биле од навредлив карактер.

„Никогаш не сум се чувствувала повеќе малтретирана во оваа земја. Тоа е лудо… и ајде сериозно, дали е навистина легално да се снимаат толку многу документарни филмови за некого без негова дозвола?!“, праша таа на Инстаграм, додавајќи:

„Сериозно, размислете за тоа… Никогаш не сум видела толку многу документарни филмови направени за една личност… Вил Смит, Гвинет Палтроу, Џенифер Лопез… Ниту една личност на лицето на земјата не би сакала – зошто е ова важно – да се ископаат толку многу негативни снимки и да се направат посебни часови тврдејќи дека тоа „ми помага“. Навистина?”.

За животот на американската ѕвезда за краток временски период беа снимени три документарни филмови: „Controlling Britney Spears“ на платформите EX и Hulu, „Framing Britney Spears“ на Netflix и „Britney Spears“ на BBC.