ЕВЕ ШТО МОРАТЕ ДА НАПРАВИТЕ Во зима, на вашата кожа ѝ е потребна некоја промена
![Screenshot_9](https://popara.mk/wp-content/uploads/2022/02/Screenshot_9.png)
За дење и ноќе, користете креми со побогата текстура што ќе ја негуваат кожата и ќе ја заштитат нејзината надворешна обвивка.
Колку и да е вашата кожа приспособлива, таа едноставно бара поинтензивна нега во зима.
Тоа е, пред сè, неопходно поради ниското ниво на влажност, студот и разликата помеѓу внатрешната и надворешната температура.
Поради надворешни фактори постепено се намалува количината на потребните липиди во меѓуклеточниот простор, поради што иритирачките материи полесно продираат во кожата, предизвикувајќи чувствителност, воспаление и губење на влажноста на кожата.
Ова може да предизвика чувство на сувост, затегнатост, па дури и чешање и пецкање на кожата.
Затоа е потребно да ја промените рутината за нега и производите кои досега сте ги користеле.
Пилинг
Заменете го агресивниот пилинг за лице со постепена употреба на ретиноиди или микро-пилинг наместо хемиски и механички пилинг, кои се идеални за употреба во текот на летото.
Хидрирање во слоеви
Нанесувањето на навлажнувачки состојки и производи во слоеви ја намалува таа непријатна затегнатост на кожата. Започнете со мицеларна вода, тонер, потоа хијалуронска киселина или пептиди.
Дневна и ноќна нега
Она што го користевте досега – удвојте го. За дење и ноќе користете креми со побогата текстура кои ќе ја негуваат кожата и ќе ја заштитат нејзината надворешна обвивка.