Идилична природа што се уште не ја „изел“ туризмот: Преспанското Езеро поврзува три држави, а живее во сенка на попознатиот сосед

Затоа ова езеро е идеално за оние кои сакаат помалку туризам и повеќе природа.

Поделено на три држави, опкружено со два национални парка и во близина на Охридското Езеро – можеби има и такви кои не слушнале за Преспанското Езеро, но денес ја истражуваме оваа прекрасна оаза која за жал често останува во сенка на Охрид (оддалечени се само десетина километри).

Затоа ова езеро е идеално за оние кои сакаат помалку туризам и повеќе природа. Иако Преспанското Езеро секоја година привлекува се повеќе туристи, тука сепак владее повеќе мир и тишина.

Како што споменавме, езерото зафаќа територија на три држави: Македонија, Грција и Албанија. Вкупната површина е 273 квадратни километри, од кои најголемиот дел од езерото се наоѓа во Македонија, а најмал во Албанија. Најголемата длабочина на езерото е околу 55 метри, а опкружено е со многу прекрасни песочни плажи и планини.

На езерото има два острова: Голем град, т.е. Змиски остров во македонскиот дел, а Мал Град во албанскиот дел. И двата се ненаселени – освен ако не ги броите змиите на Змискиот остров – но на албанскиот остров може да се видат остатоци од средновековен манастир.

Меѓу интересните сцени што можете да ги најдете овде се рибарската куќа и плажата Рибарско село во селото Отешево или, на пример, напуштениот хотел Европа.

Постои дури и Мала Преспа, преспанската езерска сестра на југ, која се протега меѓу Грција и Албанија, а заедно со Преспанското Езеро е дел од Паркот на природата Перспа.

Овде живее најголемата популација на белоглави мршојадци во Европа, а во последните триесет години можно е да се забележат лебеди како летаат над езерото. Мала Преспа е опкружена со планини, а на неа се остатоците од ранохристијанската базилика Свети Ахил Ларисаски, изградена од царот Самуил.