Од Џокер до Наполеон: Хоакин Феникс глуми француски освојувач, фановите велат – трансформацијата е феноменална
![joaquin-phoenix-1-830x0](https://popara.mk/wp-content/uploads/2022/03/joaquin-phoenix-1-830x0-1.jpg)
Филмот „Kitbag“ ќе се фокусира на историските битки, амбициите и стратегијата на Наполеон што го направија историски војсководач.
Хоакин Феникс, актерот кој доби Оскар за улогата на Џокер, ќе го игра францускиот владетел и војсководец Наполеон Бонапарта. Филмот наречен „Kitbag“ во режија на Ридли Скот веќе се снима во Лондон. Хоакин Феникс носеше костим на Бонапарта, а за време на паузата од снимањето носел маска на главата.
Фановите велат дека трансформацијата е феноменална.
Според „Deadline“, филмот „Kitbag“ ќе се фокусира на историските битки, амбициите и стратегијата на Наполеон кои го направиле историски војсководец.
Сопругата на Бонапарта, Џозефина, со која имаше бурна врска, ја игра Ванеса Кирби.
– Чест ми е што ви се придружив на ова патување – напиша актерката на Инстаграм.
Како што е познато, Наполеон Бонапарта дошол на власт за време на револуционерните војни во Франција и станал император во 1804 година. Тој бил протеран во Елба во 1814 година, а потоа побегнал и владеел како император до неговиот пораз кај Ватерло во 1815 година. Потоа повторно бил прогонет на островот Света Елена, каде што починал во 1821 година на 51-годишна возраст, пишува „Пипл“.
Режисерот Ридли Скот изјави за Холивуд Репортер во јануари дека врската на Бонапарта со Џозефина е она што го заинтригирало да го преземе проектот.
– Мора да им служите на битките, акцијата и сексот со голема воздржаност. Во спротивно, сè станува досадно. Што е тоа во Наполеон што го прави фасцинантен? Ова е многу едноставно: човек кој е еден од најмоќните луѓе во историјата, сепак толку многу се потпирал на жена – изјави режисерот.