Подгответе ја кожата за ПРОЛЕТНОТО СОНЦЕ: Домашен пилинг за сјајно и негувано лице (РЕЦЕПТ)

Време е да ја подготвите кожата за потоплите денови.

Пилингот на лице е еден од редовните третмани, кој мораме да си го дозволиме барем еднаш неделно. Ја чисти кожата од површинскиот слој и ги отстранува старите и мртвите клетки.

Овој третман делува така што чисти, ја хидрира и и дава на кожата посвеж изглед, правејќи ја помека и помазна. По пилингот, вашата кожа ќе биде мазна, мека и сјајна. Покрај производите за пилинг кои можете да ги најдете на пазарот, можете да го направите и сами.

Ви носиме рецепт за миризлив пилинг од цитрус кој ќе ја подобри текстурата на вашата кожа и ќе ја подготви за првото сонце на кое ќе ја изложите.

Состојки:

1 лимета

1 лимон

2 лажици мед

половина чаша шеќер

бадемово масло

Подготовка и примена:

Исцедете ги лимонот и лиметата, додадете две лажички мед, шеќер и малку бадемово масло. Сè убаво измешајте и нанесете со кружни движења на телото. Исплакнете со топла вода.