Просто мора да го имате: Блејзер ФУСТАНОТ одговара на секој тип на тело и е погоден за секоја пригода

Ги нагласуваат вашите атрибути

Кога ќе облечете блејзер фустан, го имате најсилниот сојузник кога станува збор за облекувањето.

Овој фустан е и елегантен и опуштен, зрачи со сексапил, удобен е и провокативен – така што имате цела палета на придобивки во едно парче облека.

Блејзер фустаните во суштина потсетуваат на комбинација од женско сако и фустан.

Можеби една од причините поради која станаа толку популарни е тоа што тие нагласуваат се што сакате на вашето тело.

Градите се истакнати, но токму онолку колку што треба, долгите и витки нозе се откриени, а половината и колковите се во совршен размер.

Сега ќе помислите дека ова можеби не се однесува на вас, бидејќи мислите дека имате премногу широки колкови или нешто слично, но знајте дека грешите. Блејзер фустаните одлично се вклопуваат со секаков вид материјал.

Претежно доаѓа во мини верзија, но на некои места може да се најдат модели со средна должина. Поради откриените нозе, мини моделите можеби не се идеални за на работа, но моделите со средна должина се веројатно најдоброто нешто што можете да го носите за оваа пригода.