Рецепт за ќофтиња од риба во доматен сос: Посен ручек во кој ќе ужива целото семејство
![rucak-830x0](https://popara.mk/wp-content/uploads/2022/03/rucak-830x0-1.jpg)
Комбинација која ветува
Ќофтињата се едно од јадењата кои речиси никогаш не здосадуваат и кое ќе го задоволи непцето и на најпребирливите.
Домаќинките најчесто ги прават од мелено месо, но можеби е време да пробате нешто поинакво.
Понекогаш е добро да се направат мали промени, а ќофтињата од риба се идеална замена за оние од говедско или свинско месо, особено во деновите на постење.
Состојки:
1 кг риба по избор
1 црвена пиперка
1 главица кромид
2 чешниња лук
100 гр презла
¼ стар леб
200 мл доматен сос
Сол, бибер, зачини по вкус
Масло за пржење
Подготовка:
Истурете вода во тенџере, додадете една лажица сол, а потоа варете ја рибата 15 минути. Кога ќе биде готова исчистете ја од коските и кожата, па сомелете.
Пиперките, кромидот и лукот се сецкаат на коцки.
Во загреана тава сипете масло, додадете го кромидот, пиперката и малку вода, па динстајте 10 минути, па додадете ја рибата и измешајте сè заедно.
Потоа, во тавата додадете лук, сол, бибер и зачини по вкус. Лебот исечкајте го колку што можете поситно, па додадете го во тавата.
Истурете околу 50 мл вода и додадете презла. Промешајте сè и пржете уште пет минути.
Оставете ја смесата да се излади, а потоа од неа направете ќофтиња.
Во загреаната тава сипете малку масло, па спуштете ги ќофтињата и пржете ги додека не добијат златна боја.
Намалете ја температурата на минимум, а потоа прелијте ги ќофтињата со сок од домати и варете пет минути.
Послужете ги со вашата омилена сезонска салата.