Скриениот бисер на Медитеранот: Прекрасна плажа која дневно смеат да ја посетат само 60 луѓе

За да го спречат уништувањето на природните убавини на Сардинија и околните островчиња во екот на туристичката сезона, Италијанците ги заострија правилата.

Архипелагот Мадалена покрај брегот на Сардинија, Италија е дом на голем број прекрасни плажи. „Cala Coticcio“ на североисточниот брег на островот Капрера во Тиренското Море е еден таков магичен бисер.

Малата, но прекрасна плажа со ситен бел песок е составен дел од Националниот парк Ла Мадалена и е совршено место за капење и нуркање во летните месеци.

Опкружена е со прекрасно тиркизно море, карпи и медитеранска вегетација и е скриена од љубопитните очи. Поради својот магичен изглед, многумина ја споредуваат со плажите на рајскиот Тахити во Француска Полинезија.

Интересно, бројот на луѓе на кои им е дозволено да ја посетуваат „Cala Coticcio“ секој ден неодамна е ограничен на 60, а вашето место треба да го резервирате однапред со локален водич. Лицата фатени во посета на плажа без водич може да бидат казнети.

За да го спречат уништувањето на природните убавини на Сардинија и околните островчиња во екот на туристичката сезона, Италијанците ги заострија правилата.

Го ограничија бројот на посетители на одредени места и воведоа надомест од 3 евра за користење на плажата.