ТЕСТЕНИНИ со ГОРГОНЗОЛА и ОРЕВИ! Лесен и брз ручек!

Рецепт од северот на Италија кој ќе ги воодушеви пред се љубителите на тестенини, но и останатите љубители на сирење и јаткасти плодови. Послужете ги тестенините со светло розе и тивка амбиентална музика и… уживајте!

Состојки:

400 гр тестенини по избор

главица кромид

две лажици маслиново масло

чешне лук

шолја мелена горгонзола

две лажици балсамико оцет

шака ореви

сол, бибер

Подготовка:

Сварете ги тестенините во посолена, зовриена вода, според упатството на пакувањето. Во меѓувреме во голема тава загрејте го маслото на умерен оган и пропржете го ситно сечканиот кромид, 15-20 минути со постојано мешање. Додадете го изгмечениот лук и пржете уште две минути. Тргнете од оган, додадете ги исцедените тестенини, горгонзолата, балсамикото и сечканите ореви, се убаво измешајте, па сервирајте.

Пријатно јадење!