ШТО Е ПОЗДРАВО СПАНАЌ ИЛИ БЛИТВА? Ќе се изненадите која е најголемата разлика

На прв поглед, спанаќот и блитвата не се многу различни. Тие имаат прилично сличен лист: мазен и темно зелен, па дури и сличен вкус. Со сето тоа тие се подготвуваат на сличен начин!

Сепак, постојат разлики помеѓу спанаќот и блитвата и тие се сосема уникатни растенија.

И спанаќот и блитвата имаат бројни здравствени придобивки и многу богат нутритивен состав.

Што имаат заедничко спанаќот и блитвата?

Спанаќот и блитвата имаат ист број калории – една шолја сирови билки содржи околу 7 калории, додека една шолја варен спанаќ или блитва има 35-41 калорија.

Затоа, тие се сметаат за нискокалорична храна, и двете растенија имаат многу растителни влакна: околу четири грама по чаша варен спанаќ или блитва.

Двете растенија имаат малку протеини, односно околу пет грама во шолја варен спанаќ и три грама во шолја варена блитва.

Тие имаат речиси иста количина на витамин Е, а содржат огромни количини на витамин А: половина шолја варен спанаќ има 573 mcg витамин А, што е 64 проценти од препорачаната дневна доза, а една шолја блитва обезбедува 44 проценти од препорачаниот дневен внес.

И двете растенија се богати со витамин К, а кога се готват, тие обезбедуваат повеќе од 700 проценти од препорачаната дневна доза во само една чаша! Богати се и со магнезиум, калиум и манган, во слични количини.

Зошто спанаќот е покорисен?

Спанаќот содржи повеќе различни хранливи материи од блитвата. Има двојно повеќе калциум, речиси двојно повеќе железо и е полн со витамини од Б-комплексот.

Меѓу нив се и фолатите, и многу пати повеќе отколку кај блитвата: шолја варен спанаќ обезбедува 66 отсто фолати од препорачаниот дневен внес, шолја варена блитва само четири отсто.

Спанаќот има и повеќе рибофлавин, цинк и манган, како и мала количина на омега-3 масти.