ДЕТАЛЕН ПЛАН КАКО ДА ГО ИСЧИСТИТЕ ТЕЛОТО ОД ТОКСИНИ НА ПРОЛЕТ: Експертите велат дека оваа храна е мелем за органите!
Пролетта е период на будење, не само на природата, туку и на нашиот организам и енергија. Во текот на зимата во телото се таложат токсини, пред се од тешката храна и недостатокот на вежбање, а пролетта е идеално време за детоксикација.
Токсините се излачуваат од телото преку гастроинтестиналниот тракт, кожата, белите дробови и бубрезите. Дигестивниот систем е тој што ќе го доживее главниот товар, а тоа што го јаде човекот директно влијае на можностите за детоксикација. Еве ги правилата за чистење на телото од токсини во пролет и како да ги примените:
Експертите советуваат дека е неопходно да се намали употребата на намирници кои ја иритираат слузницата на желудникот и доведуваат до зголемено лачење на хлороводородна киселина. Тоа се, на пример, газирани пијалоци, пржени, кисели, чадени, солени; конзервирана храна. Телото има свој потенцијал за саморегулација – работи кога органите и системите функционираат без дефекти. Во спротивно, токсините може да се наталожат во ткивата и да го попречат системот за детоксикација.
Симптоми кои укажуваат на покачено ниво на токсини во телото може да бидат осип на кожата, непријатност и дисфункција на дигестивниот тракт, ослабен имунитет, замор, слабост, главоболка.
За да им помогнете на цревата, препорачливо е да додадете мека храна, зеленчук, храна која содржи бета-каротин (тиква, спанаќ, моркови, слатки компири, брокула и други), храна богата со цинк (лук, нане, сладунец). Оваа храна позитивно влијае на гастроинтестиналниот тракт.
За да му помогнете на цревниот ензимски систем, треба да обрнете внимание и на храната со влакна. Конзумирајте боровинки, црвен грав, јаткасти плодови, црно грозје и храна со витамини Б кои можат да обезбедат антиоксидантна заштита.
Покрај урамнотежена и здрава исхрана, експертите советуваат дека пред детоксикација треба да се консултирате со лекар кој може да ви даде дополнителни упатства и мерки за заштита. Исто така, физичката активност е неопходна. Не мора да бидат тешки вежби, туку пешачење, трчање, пливање, јога, пилатес… Консумирајте доволно течности, пред се вода, спијте редовно и имајте квалитетен сон и трудете се максимално да ги избегнувате стресните ситуации.
Покрај растителни влакна и ферментирани млечни производи, ферментиран зеленчук и овошје, препорачливо е во исхраната да се додадат суви сливи, овесна каша и цвекло. Сувото овошје не само што го чисти организмот, туку содржи и многу витамини и минерали, поради што организмот може да добие дополнителен поттик за детоксикација. Овесната каша е полна со влакна, спречува зголемување на нивото на гликоза во крвта. Цвеклото го отстранува вишокот течност од телото, го регулира притисокот и ги прави крвните садови поеластични. Цвеклото е исклучително лековито, па стручњаците препорачуваат консумирање на цвекло во сите облици – варено, печено, на пареа.