Таа е позната како личност која сака да комуницира со својата публика и не се смета за вообразена, па публиката ја сака и поради нејзината природност и приземност.
Марија Шерифовиќ одржа медиумска конференција во Белград, по повод претстојниот концерт во Јахорина, а со новиот изглед ги воодушеви сите.
Имено, на самиот почеток на интервјуто, пејачката се навратила на својата досегашна кариера и истакнала дека не постои некој посебен трик благодарение на кој ќе ја наполни салата.
– Луѓето се тие што купуваат билети за моите концерти. Врската што постои меѓу нас е магија. Не може сета магија да се објасни, не секој може да ја поседува таа магија. Не се занимавам со трикови и скандали – изјавила Марија.
Со оглед на тоа што изгледот на пејачката веќе некое време е главна тема на српските медиумите, со оглед на тоа што благодарение на специјална диета ослабела дури 7 килограми за помалку од еден месец, проговори и за својата позната диета, но открила и дека повремено прави исклучоци и се почестува со некоја храна која ја нема на менито за слабеење.
– Ја прекршив диетата за роденденот бидејќи Верица ми ја подготви омилената торта, изедов неколку залчиња и толку – одговори Марија.