Топлотниот и сончевиот удар воопшто не се безопасни, научете навреме да ги препознавате симптомите
Треба да се избегнува директно изложување на сонце во периодот од 10 до 17 часот, особено децата, трудниците, постарите лица, срцево болните и пациентите со хронични заболувања.
Топлината може да предизвика исцрпеност и топлотен удар и може да ги влоши постоечките состојби, како што се кардиоваскуларни, респираторни, бубрежни или ментални заболувања, а при високи жештини треба да се следат советите од здравствените институции.
Во најтоплиот дел од денот треба да избегнувате излегување на отворено и физичка работа, а се препорачува и редовна употреба на производи со заштитен фактор.
Ви ги пренесуваме телесните знаци кои не смеете да ги игнорирате.
Топлотен удар
Ова е најтешката последица од летните горештини, а симптомите се:
- силна главоболка
- гадење и вртоглавица
- висока телесна температура
- црвена кожа (без потење)
- губење на свеста
Неопходно е веднаш да повикате брза помош.
Сончев удар
Најчестите симптоми се:
- сува кожа со значително зголемена телесна температура
- главоболка
- вртоглавица
- немири
- конфузија
- црвенило на лицето, набрзо проследено со зуење во ушите, проблеми со видот и слабост
Во најтешките случаи, лицето е зашеметено, со проширени зеници, па дури и може да се онесвести. Пулсот е брз, а дишењето е плитко и брзо. Лицето треба да се стави под сенка што е можно поскоро и постепено да се лади како во случај на топлотен удар. Децата и постарите лица се особено подложни на сончев удар.