3 НАЈСКАПИ ОСКАРОВСКИ ФУСТАНИ ВО ИСТОРИЈАТА: Зрачат со гламур и елеганција, а се копираат и денес
Најскапите оскаровски фустани на сите времиња станаа желба на дамите ширум светот.
Оскарите се престижен настан кој изобилува со гламур, раскош и елеганција на Холивуд, а интересот за прекрасните фустани што ги носат актерките е често поголем отколку за самите филмски награди.
Таа посебна вечер е резервирана за најубавите скапи и нежни вечерни тоалети со интересни детали и аксесоари, кои ретко кој може да си ги дозволи.
На црвениот тепих најчесто се слуша прашањето „Who are you wearing“, а покрај тоа која модна куќа го потпишува парчето, се зборува и за нивната цена.
Нивните вртоглаво високи цени јасно покажуваат дека, како и некои улоги, некои фустани заслужуваат престижна награда.
- Џенифер Лоренс – фустан на Диор
Најскапиот фустан на сите времиња на го носеше актерката Џенифер Лоренс во 2013 година, кога доби златна статуа за најдобра главна женска улога во филмот „Silver Linings Playbook“.
Цената на оваа раскошна, гламурозна креација е неверојатни 4 милиони долари, а ја потпишува француската модна куќа Диор.
Џенифер Лоренс покажа софистицираност и нежност во оваа тоалета, носејќи само дискретен накит и минимална елегантна пунџа, така што единствена ѕвезда беше фустанот.
Оваа креација е дизајнирана за Диор од Раф Симонс, а Џенифер истакна дека била доволна една проба за да сфати дека тоа е фустанот од нејзините соништа. Нејзиното бајковито издание наиде на комплименти од бројни модни критичари, а Лоренс секако дека не погрешила говори и тоа што важи за едно од најубавите изданија на Оскарите во историјата.
Да се потсетиме, актерката таа година доживеа познат пад додека се качуваше по скалите за да го земе Оскарот, сопнувајќи се од огромниот долен дел од фустанот, а многумина шпекулираат дека овој момент придонел за вредноста на фустанот.
- Никол Кидман – фустан на Диор
Дека Диор е дефинитивно еден од омилените брендови на дамите од црвениот тепих покажува и ова второ место на листата на најскапи фустани видени на Оскарите.
Никол Кидман носеше фустан од 2 милиони долари на доделувањето на Оскарите во 1997 година.
Во 1997 година, Никол Кидман демонстрираше сведен, жолто-зелен свилен фустан инспириран од кинеската традиција. Вредноста на оваа креација е околу два милиони долари, а за тоа време овој избор на фустанот на Џон Галијано беше многу ексцентричен и отстапуваше од тогашните норми.
- Кејт Бланшет – Армани
Третиот најскап фустан е значително поевтин од претходните два, но повторно чини колку добра куќа – 250.000 долари! Фустанот го носеше Кејт Бланшет на Оскарите во 2007 година, а станува збор за „Armani Privé“ изработен од тул и мрежа на едното рамо и целосно покриен со кристали Сваровски.
