Синоќа се одржа финалето на хрватското музичко натпреварување „Суперстар“, во чија четиричлена жири-комисија беше и најголемата хрватска ѕвезда – Северина Вучковиќ, покрај Тончи Хуљиќ, Ника Турковиќ и Филип Милетиќ.
За време на финалната вечер, пејачката се појави во впечатлив фустан од британскиот бренд „Солес Лондон“.
Фустанот е со црна и розова комбинација на бои – над едноставниот црн дел има розов долг дел, кој наликува на наметка. Розевиот дел од фустанот има и „пуф“ ракави.
На официјалната веб-страница на „Солес Лондон“, фустанот е достапен и чини 790 фунти.
Инаку, победничка на првата сезона на „Суперстар“ е 17-годишната Хана Ивковиќ.
„Сѐ уште не ми се верува дека ова се случи!“, возбудено рече победничката, бришејќи ги солзите-радосници.
Во финалето, Ивковиќ ја отпеа „When you Believe“ од Мараја Кери и Витни Хјустон.