Им ја одземаа куќата, а потоа ги повикаа назад
Потврдено е дека во поштата на Сасекс во Лос Анџелес пристигнала долгоочекуваната покана. Многумина се прашуваа дали Хари и Меган воопшто ќе бидат поканети на церемонијата, бидејќи се чини дека односите меѓу нив и кралското семејство се сè позатегнати. Меѓутоа, и тоа се случи.
Кралот Чарлс ги покани својот помал син и снаата да присуствуваат на неговото крунисување, кое ќе се одржи во Лондон на 6-ти мај, пренесува „Hellomagazine“.
Според кралскиот дописник за „Sunday Times“, Рој Ники, парот сега е официјално поканет, а топката сега е на нивно поле.
„Непосредната одлука за тоа дали војводата и војвотката ќе присуствуваат, нема да ја откриеме во овој момент“, додадоа.
Доколку Сасексови присуствуваат на крунисувањето, сè уште не е познато каде ќе престојуваат. Претходно оваа недела беше потврдено дека Чарлс „ги замолил Хари и Меган да се преселат од нивниот дом во ОК – „Куќата Фрогмор“, кој го добија како свадбен подарок од кралицата Елизабета.
Веста доаѓа веднаш откако принцот Хари учествуваше на интимна сесија со докторот и автор Габор Матео, кому му се отвори за предизвиците со менталното здравје.