Боја на чист гламур: Ева Лонгорија во фустан кој создава ефект на фигура на песочен часовник

Холивудските убавици привлекоа внимание на престижните награди DGA во Лос Анџелес, а Ева Лонгорија посебно блескаше во златeн фустан со крој што ја истакнува витката фигура.

Блескавата Ева,48-годишната ѕвезда на некогаш мегапопуларната серија „Очајни домаќинки“ го украси црвениот тепих со непобитна елеганција и гламур. Фустанот, кој изгледа како да е сошиен од парчиња, ги откри голите раменици и грбот, а ласкавиот крој беше исечен ниско на страната на градите.

Посебно делотворен беше детаљот во половината со хоризонтално поставени прерамки кои ја истакнуваа фигурата на песочен часовник, а фустанот распослан над колената во низа одвоени делови одава многу шик и софистициран изглед.

Фустанот Ева го избра на модната писта, поточно кај италијанската модна дизајнерка Алберта Ферети, која го претстави овој фустан како дел од ревијата на колекцијата пролет 2024 година.

Ева стајлингот го комплетираше со минималистички аксесоари, златни сандали со прерамки и платформа и сјајни кружни обетки и два прстени. Многу едноставно, а сепак толку ефективно.