Едноставна промена во начинот на кој ја миете косата ќе направи да изгледа сјајно
Секој сака да има убава и сјајна коса, но постигнувањето на совршена рутина за нега на коса понекогаш може да биде исцрпувачки. И покрај нашите напори, косата понекогаш изгледа безживотно и слабо.
Експерт за коса откри дека температурата на водата може да ја промени оваа ситуација. На TikTok, @alexiszander_ објасни зошто треба да ја миете косата со ладна, а не топла вода.
„Дали знаевте дека треба да ја миете косата со ладна вода? Кога топлината ќе дојде во контакт со косата, таа всушност ја отвора кутикулата. Затоа, кога правиме некои третмани за коса, користиме топлина. Ја отвора кутикулата, па кога правиме хемиски третман, таа ќе навлезе во тој прамен од косата“, објасни таа.
@alexiszander_ The science behind washing your hair with cold water💦💧 #healthyhair #hairscience #hairgrowth
Таа додала дека ладната вода е најдобра за миење на косата бидејќи го прави токму „спротивното“ од она што го прави топлата, односно цврсто ја затвора кутикулата.
„Значи, ако го завршите миењето со ладна вода, тоа ќе предизвика затворање на кутикулите, а кога ќе ги затворите тие кутикули, влагата останува заглавена, давајќи ви мека и сјајна коса“, откри таа.
На крајот од своето видео таа објасни дека овој едноставен трик е тајната за постигнување „навистина сјајна и убава коса“, пренесува Mirror.