Замок од бајките во Беверли Хилс: Стариот дом на Бред Пит и Џенифер Анистон, сè уште e најслаткиот што Холивуд го видел

Луксузната вила во која живееле Бред Пит и Џенифер Анистон додека биле заљубени се уште важи за еден од најубавите домови на славните.Џенифер Анистон, која го прослави својот 55-ти роденден, со децении е една од омилените холивудски актерки, а истото може да се каже и за Бред Пит.

Затоа и не е чудно што голем број од оние кои ги следат настаните во светската филмска и шоубиз индустрија сè уште со задоволство се сеќаваат на времето кога биле пар.

Бред и Џенифер се венчаа во 2000 година на свадба од бајките во Малибу.

Свадбата, сите ѕвезди кои се најдоа на списокот за покани, како и се што е поврзано со младенците, тогаш беа на големо известувани.

Недолго по венчавката, Бред и Џенифер се населиле во скапа вила на Беверли Хилс.

Вилата во која тогаш живееле и денес се смета за еден од најслатките домови познати денес.

Вилата е изградена во француски нормански стил во 1934 година за познатиот актер Фредрик Марко, пишува Business Insider.

Се простира на 12.000 квадратни метри и се наоѓа во најелитниот дел на Лос Анџелес.

Бред и Џенифер потрошиле повеќе од три години уредувајќи ја вилата според нивниот вкус.

Стариот под во кујната го замениле со мермерно греење, изградиле шанк, кино, тениско игралиште, како и простор за гости.

По нивниот развод во 2005 година, Анистон и Пит ја продадоа куќата за 28 милиони долари. Подоцна на пазарот во еден момент достигна неверојатна цена од 56 милиони долари, а во 2020 година беше продадена за „скромни“ 32,5 милиони долари.