Лизо објави дека се откажува од музичката кариера: „Доста ми е од омаловажување, не ми треба тоа“

30 март, 20240
o_32865841_1280

Уморна и понижена од тролањето, исмејувањето и злобните коментари кои ќе ја следат каде и да настапува, без разлика колку е добра и има моќен вокал, американската пејачка Лизо им објави на своите следбеници на Инстаграм дека става крај на својата музичка кариера. Таа објасни дека ѝ е сè потешко да се справи со „лагите што се кажуваат за неа поради влијанието и ставовите“ и имплицираше дека ја напушта музичката индустрија. Поточно, 35-годишната Мелиса Вивиен Џеферсон, како што гласи нејзиното вистинско име, сака поправеден однос на јавноста кон нејзината работа.

„Уморна сум од тоа сите да ме влечат надолу и во животот и на интернет. Сè што сакам да правам е да правам музика и да ги направам луѓето среќни и да му помогнам на светот да биде малку подобар од онаков каков што е за мене. Но, јас почнувам да се чувствувам како светот да не сака“, напиша четирикратната добитничка на Греми и Еми за песната „Watch Out for the Big Grrrls“ од филмот „Barbie“, чиј единствен проблем е прекумерната тежина. Досега храбро се справуваше со дебелината, на црвениот тепих се појавуваше со крената глава во креации кои не се ни обидуваа да ја сокријат нејзината тежина, но нејзините нерви и смел дух имаат граница.

 

View this post on Instagram

 

A post shared by Lizzo (@lizzobeeating)

„Постојано се соочувам со лаги кои се кажуваат за мене за кликови и прегледи… Постојано сум предмет на потсмев поради мојот изглед… Луѓето кои воопшто не ме познаваат ме прозиваат и ме омаловажуваат. Не ми треба тоа – се откажувам“, заклучила пејачката и раперка, која кариерата ја започнала пред четиринаесет години. Својот најголем успех го постигна во 2019 година, со нејзиниот трет студиски албум „Cuz I Love You“, кој го зазеде четвртото место на американската Билборд 200-та листа. Сингловите од албумот „Juice“ и „Tempo“ станаа хитови, а нејзиниот сингл „ Truth Hurts“ од 2017 година го достигна врвот на топ-листата Billboard Hot 100, остана таму девет недели, најдолг период за соло песна на жена музичар.

Но, сето тоа не беше доволно пејачката со импресивен глас да се избори за правото да биде ѕвезда чии физички мерки не одговараат на холивудските стандарди – без вербална злоупотреба. Овој пат работите ќе мора да се сменат бидејќи музичарката повеќе нема да толерира токсичен однос кон себе. Таа е премногу добра во она што го прави за да си дозволи да го прави тоа.

Leave a Reply

Your email address will not be published. Required fields are marked *

escort - Korsan taksi