Направете си здрав десерт – чиа пудинг со банани и урми

Доколку внимавате на исхраната и сте голем љубител на слатки, тогаш пробајте го овој здрав десерт кој ќе го задоволи вашето слатко, а нема да се чувствувате виновни затоа што сепак сте изеле здрав оброк.

За подготовка на овој убав и здрав десерт ќе ви бидат потребни околу 15 минути, а количината на состојки е идеална за две лица.

-Состојки:

-1 шолја бадемово или овесно млеко

-1 банана

-1 лажичка цимет

-1 лажичка ленено семе

-2 урми без семки

-1 лажица чиа семе

-грст бобинки (може и да се замрзнати)

Подготовка:
Сите состојки освен чиа семето ставете ги во блендер додека не добиете смеса слична на пире. Истурете ја смесата во сад или чаша и додадете чиа семе и убаво измешајте. Ставете го во фрижидер неколку часа, по можност преку ноќ. Наутро извадете го пудингот од фрижидер, измешајте го и одозгора додајте неколку бобинки по желба кои претходно сте ги одмрзнале.