Оскарите воведуваат уште една категорија на награди

9 февруари, 20240
96th Oscars Nominations in Beverly Hills

Академијата воведува Оскар за најдобар кастинг и премиерно ќе биде прикажан во 2026 година.

Тоа ќе биде првата нова натпреварувачка категорија на церемонијата по додавањето на најдобриот анимиран филм во 2002 година. Во последно време кастинг директорите се борат да бидат признаени, исто како тие што работат на шминка и костими, јавува Би-Би-Си.

И покрај напорите на Академијата да ја скрати церемонијата во последните години за да го задржи интересот на гледачите, оваа одлука беше донесена. Често се случува шоуто да се протега подолго од планираните три часа.

Во моментов има 23 награди на Оскарите, иако јавноста најмногу ја интересираат главните награди како најдобар филм, најдобар актер и најдобар режисер.

Инаку, кастинг-директорите се меѓу првите кои се вклучуваат во нови филмски проекти, играјќи клучна улога во обликувањето на големите холивудски филмови. Тие се одговорни за ангажирање ѕвезди од А-листата да го претставуваат филмот, како и оние кои се појавуваат во помали улоги.

Церемонијата на доделување Оскар, чиј водител е Џими Кимел, ќе се одржи во Лос Анџелес на 10 март.

Leave a Reply

Your email address will not be published. Required fields are marked *

escort - Korsan taksi